獅人公司生存記-無間地獄

阿貓呢個禮拜真係生不如死。。。

金仔病假（但把聲精神過阿貓)

其實， 雖然係忙， 但幾ENJOY喎，自已做自已嘢，其實唔係喪催就無問題。

侵侵呢排收斂咗， 可能因為明日之星唔撈， 公司又唔打算揾REPLACEMENT, 應該有排煩。

蝦條KEEP 住無嘢做揾野做， 其實都唔係公司欠佢， 定大鼻前世欠佢， 用公司錢供養佢=_=||| 

最氣頂係仲好意思日9日提住蝦條彷如人才，乜9都好似謝晒（應該ONLY係大鼻面前），

真係問佢，叫佢做， 就每次都，唔知， 唔識， 唔記得。

真係唔使識做嘢，做人識托，識擦， 識做戲扮慘就無敵！

貓宅風雲 之 WFH札記 #3

之前講過WFH 好嘈, 係兩老會大聲對話, 電話, WS响仲多過阿貓.

但, 最可怕係, 兩老有共同朋友group, 會一先一後睇/聽message.

立體聲到呢~ 

仲有, 牛爸係沉迷睇片, 有時連歌都有, 但, 播老哥都算, 連韓文歌都有, 真係理解唔到佢日日睇咩?

但, 次次做嘢, 講嘢, 打嘢, 開會先嚟play 出聲, 唔知係咩玩法?  

(老實, 開會阿貓一定打鑼既, 但無奶油, 我打個電話又要講, 打report 又要講唔好嘈架?!)

貓宅風雲 之 WFH札記 #2

 點解會有人恨WFH??

同朋友酥講, 佢有一萬個理由話WFH好.

阿貓真係唔覺, 除非, 有獨立空間做嘢, 唔係真係無謂. 因為屋企對你做嘢係好鬼奇.

以下其聞: (後來同一樣有WFH 朋友講開, 原來大家一樣, 先知無論屋企兩老係藍領定白領, 都係一L樣)

1) 屋企人一向講嘢大聲(包括阿貓都成日獅子吼), 咁工作一定要用到電話, 雖然大部份可以用WS, WC,但有時點都要同人講2咀.

但真係嘈到無論, 最好笑係, 咁而家個個都要同神洲人溝通架啦, 貓頭鷹媽聽到我同人講煲冬瓜, 會問長問短. (

2) 一過五點, 就問幾時收工? (Yea, offical 朝九晚六, Okay?)

3) 點解成日要開會? (阿貓唔知, 如果有日有機會做到話事人, 會cut 晒D會囉)

4) 開會又唔高興, 成日問有無開鏡頭? (但從來唔care 有無開咪) 

5) 又會品評同事既英文, 呢個唔錯, 呢個麻麻 (阿貓都係普通, 咁肯定好L過YiJin囉), 但兩老係唔識雞腸喎

理想係咁, 但現實係殘酷既, 一啲都唔chill.

貓宅風雲 之 WFH札記 #1

 最唔想發生既事出現啦~

就係Work from home!!!!

好老實同坦白, WFH 係for 啲真係無嘢做同無文件跟身既人, 即係果啲位高權重, 指下個鼻, 篤下手指點人做既既極高層人士, 同sell屎囉.  總之靠把口, 靠對手淨forward 下email既人就啱晒啦.

頂, 阿貓呢啲層, 揹住server data 同一堆file 既人(兼阿四) , 一來屋企豆乾咁細, 二來, 撓起手無file摷同server死死地咁, 真係得一, 兩成工作力.

最唔高興當然貓頭鷹媽啦, 一日到黑坐係屋企霸晒啲位(唔講其他, 淨係部腦都幾斤重, 唔係講笑, 因為用notebook 係方便係公司郁動入下去開會, 無預大家出街既, 所以係15,6寸型號) , 加上文房四寶, 成張食飯枱用晒.

仲有, 平時都係收7點左右, WFH 有時係等於7*24 , 其實其他部門公司都係無計住你幾開工收工, 最緊要你做晒/到嘢, 可惜我地衰佬老細, 成日懷疑係屋企等於唔做嘢 (其實佢自己大半年WFH),   雖然唔使開住成日Zoom mon 住, 但就限住人朝9晚6!!!!! (WTF)

紫貓物語 之 汪星人戴罩

全民戴罩

阿比執仔返屋企喎?!

BTW,，汪星人也要戴罩😆

[出賣年齡系列] 一切是創造 李克勸 關淑怡

仍然沉醉係克勤concert 中. 

由於阿貓睇7號係Ms Kwan 做嘉賓, 

雖然知佢地唔會唱呢首, 

但阿貓其實好貓呢首歌.

因為阿貓當年係追呢套TBB劇,叫《天上凡間》.

有興趣自己Google 啦.

PS: 所以...其實阿貓當年係幾鐘意林穎嫻的.

20161029 海洋公園2016哈囉喂之下年揾鬼去

大大話話去咗十年八年海洋公園既哈囉喂, 雖然呢幾年確實少去了(一來已無”驚”可言,二來自從轉全日祭後, 人多過鬼, D鬼又攰咗), 今年, 係超失望既一年, 在場(應大部份都係港人)好多人客大叫”盛智文回歸”, 可想而知, 唔係歧視華人CEO李繩宗(其實由苗樂文開始已唔多掂), 只係今年呢期halloween由李繩宗接手(可能佢都會話上手留低唔關佢事), 已經連個差字都代表唔到有幾衰!  先唔理阿華人CEO係執人手尾定辦事不力, 但, 尋日既應變能力真係奇差, 華人CEO責無旁貸啦!

 

話說尋日兩點幾去到門口, 已經人山人海, 仲要大部份都係旅行團人士(拿唔係要分咁細,而係成班好明顯連halloween係乜都唔知人入場囉)把明揾錢啦, 加埋臨近10.31 , 把明有班係去參觀海記, 有班堅係玩halloween, 再加埋全日祭(阿貓都係like 以前分開日夜場, 分流好好多), 阿貓同朋友坐係門口等埋friend入, 真係入咗幾廿團(朋友話金鐘要錢shuttle bus都塞滿人), 最令阿貓目定口呆係…係果幾廿團中, 有一團係喇嘛!!!!  我地仲講笑佢地入去係驅鬼定招佳佳個魂.   好啦, 入到園都三點, 其實大部分鬼屋都係高峰果邊, 點知…已嗌咪話海洋列車壞咗(後咪有人check FB話其實點幾已壞), 上山只有cable car (後來有shuttle bus)!!!!  去到呢度都未算中伏, 見間鬼屋排好長龍(都正常呀) , 就諗住睇表演; 因為miss咗花生騒, 就唯有等4點有一個唔知乜嘢show(係西遊記人物唱pop song), 唔係話佢地既performance 唔好, 只係成個concept 無聊!  睇咗一陣已轉場. 

好啦, 咁諗住睇五點既”魔界巨星花生騒”(嗱, 入咗去粒既鐘, 無乜鬼嘢見過同做過), 但周圍都係人&見一堆人排長龍, 完全無指示; 工作人員又不停攔截唔俾我地(人)行, 連排隊睇騒都話唔得….要我地4點半再嚟排過, 仲要D工作人員好唔專業, 問係邊到排隊, 只係答”果度囉” 嘩清楚到丫, 你出糧既都唔清唔錯, 唔係我俾錢既乜都知呀?? 仲要係D人係排隊位置以外地方再自行自己排, 但同一area 係仲有排cable car(已經要輪3粒鐘同只有優越門票可優先上山) 同shuttle bus(要輪2粒鐘!)  真係有D火嚟, 都行唔到過去同唔鬼知點鬼排, 最後, 工作人員已早放大家排隊, 好啦, 排排排, 排到四點九, 開始放人入場, 我地入場坐定定等, 點知又見有工件人員開另一對門而又非正常排隊位置(其實入過場都知同見到, 果個門口外只係有D枱椅俾人休息), 無啦啦又湧批人入嚟?!   好啦, 都唔到我地理, 反正大家有位坐,無影響到正常排隊人都算, 到差唔多五點, 以為就開show (又煙同background music 大咗)時, 又突然响火警鐘…其實大家以為係show 既一part, 點知個鐘响唔停, 已有人(驚死)離開先(有人走自然有人入)如是者响咗3幾分鐘, 都無一個工作人員理咩事…直到有好多白煙飄出, 今次更多觀眾走,  係呢個moment , 先有個眼鏡女工作人員拎咪上枱話”大家請冷靜坐返埋位先, 只係火警鐘誤鳴”  好啦, D 人都未返得切晒位(1分鐘都無), 條友又再announcement 話”請大家冷靜D咁分批離開”  真係痴到一個點!!!!  個個係混亂下排咗成粒鐘, 工作人員係响鐘後完全無理過, 失驚無神出嚟叫人咪郁後又叫人走, 唔講發生咩事, 而D演員仲係後台出晒嚟影相, 真係可怒耶!!!!!

 

俾人趕出嚟後, 我地幾個都諗住上山算啦, 因為預咗要排…. 尤於cable car要輪3粒鐘同只有優越門票可優先上山& 同shuttle bus都要輪2粒鐘, 大家缺定輪shuttle!  不過又係要揾龍尾, 實在係人多到邊條係排鬼屋,邊條cable car同shuttle係分唔到.   工作人員只係靠個咪仔廣播(唔明點解唔開大咪囉), 雖然已經再揾咗D staff出嚟(新出嚟幫手係著藍色)叫做專業, 但都解決唔到成件事. 排咗差唔多2粒鐘, 仲係”陰陽路”都塞咗唔郁, 之前已開始有雨, 仲漸漸大, 大家都忍無可忍, 打上hotline爆啦……終於, hotline 話11月內可以去返(無得回水), 但有乜意思呢, 都無咗棉花靈精啦!  附近有人聽到打上hotline可以叫做唔使白俾錢, 都紛紛打埋一份.

 

就係咁….今年係OCEAN PARK過咗個最差既HALLOWEE, 而最驚係……只有人龍!!!   由日頭排到入黑都係仲得過排字, 鬼都無見到隻,