四月二十日
今朝四點起身, 好鬼眼瞓! 我其他D 同事都都瞓左兩三粒鐘, 我仲約左同事五點係條街度等車一齊入機場. 搞左一大輪, 我地終於上機出發. 真係未試過係香港咁上機 =.=
經過兩個半鐘左右, 我地12點就到曼谷新機場, 但我地仲要坐多兩個幾鐘頭車入芭堤雅. 當然, 全程個個瞓晒la~~zzzzzzzzzzzzzzz
登登登, 終於到我地既酒店, 嘩, 雖然話係四五星, 但都好grand. 因為個個都一早起身, 仲舟車勞動左咁耐, 個個都好似餓鬼咁, 尤其D 男士啦! 正當我地settle 晒D 野, 諗住出發食我們very late lunch, 竟然行雷兼落雨, 我地間酒店又比較偏, 我地係個陣失魂雨中行左5-10分鐘, 就泱定係一間無人的餐廳坐低食野. 唔好問我叫咩名, 我淨係知佢應該係人地酒店的餐廳. 唔知係我地太餓, 我地個個都覺得連薯條都好味過人, 但佢地既"冬陰功"真係好么OK, 我地係Pattaya 食咁多餐都好似無佢咁好味~~~
好啦! 食飽之後咁緊係去shopping la~~Gogogo~~~~~~~~~~我地浩浩蘯蘯搭"篤篤" 出去市中心(即係海灘大路), 我地第一時間去Royal Grand. 其實我對pattaya的印象除左有個污漕的海灘, 去咗一問酒店內打bowling, 同埋有好多紅燈區之外, 真係記憶唔深. 鬼咩, 我上次去都成4,5 年前的事, 再加上我係路痴就係人都知, 所以我當自己未黎過咁, 聽晒我同事講, 佢地去邊就去邊
我地去間商場真係無咩好行, D 野都唔平, 間 Boots 又細, 真係同 Bangkok 差好鬼遠. 不過出面成三十幾度, 會熱死我呢隻貓, 所以我地都逗留左成2,3粒鐘. 我地見到外面個太陽好似無咁熱, 先行返出條街度行. 咁我地又行下行下, 話咁怏就到食晚飯時間. 我地之前上網揾到一間話食 Hawaii 的餐廳, 見到個view 都幾ok, 係所有人唔反對之下, 咁又坐低食. 但係呢.......我地差唔多都係叫D thailand food, 因為呢間真係好差貴, 而且多數當地D 餸菜都係細細碟, 我地女子就話飽啫, 我D 男同事個個骨格精奇, 真係唔夠食. 我地每餐D budget 又好少， 所以一致讚成埋單走人， 況且 Pattay 成街邊都係野食，我地全部四散， 各自揾食同辒節目。 Ｄ 男士就去揼骨按摩， 我們ladies 更係又再向shopping 出發。 獅子貓最鐘意行泰國的 BigC, 呵呵， 我發誓， 我今次真係有忍手架！ 喵～～～ 我地之前又上網睇到個叫＂香港炳嫂＂ 的人， 又俾我地揾到喎， 所以今次Ｄ 手信好怏就搞定！！！ 不過話時話， 呀炳嫂真係好鬼豪邁， 雖然句句說話都係三字經， 但真係字字誅譏， 怕且連我公司班金牙都唔係佢果皮！！
今日好充實， 而且好攰， 當大家返到酒店， 沖完涼， 個個都大昏迷咁！
Aisawan Resort & Spa
Ｄay One is cleared.
