Thanksgiving~ 某人

原來…已經兩年了. 

相比很多人, 時間可能不夠長, 自己也覺很短, 但也值得令自己驚訝.

第一次遠眺”他”, 是07年CB簽唱會, 那人山人海當中,只能望見少許影子.

只見萬人空巷, 還看見”一批人”手牽手做人鏈, 做人肉保鏢保護”他”, 情景可笑, 當時還慶幸, 自己只是一名普通粉絲, 買碟,看戲支持”他”便夠了, 從沒想過出fun 這麼潮的事會有機會發生在自己身上.

但…世事果然難料, 當日的”一批人”, 今時今刻已成為戰友了, 亦試過成為人肉保鏢保護”他”!  為”他”而驕傲,  為”他”而感動, 為”他”做了很不可能的事.

兩年後的今天, ”他”已一躍龍門, 紅得發紫.  當年的預言及期望, 只是應驗了!

慶幸, 沒有被竉溺過, 也沒有太過份地霞想過, 因此也不會因距離遠了而太難過.

失落嗎?  也沒太多, 雖然有麻怨過, 但想深一層, 所有得著, 其實早已超過了一切自己從未敢想過的, 也該感恩了.     只能說,只兩年時間, 也感覺到”他”改變了. 但這是成長的代價, 只是不希望身邊朋友們因此難過.

自己比想像中付出多了, 但卻也心甘情願, 因為”他”是值得的.

畢竟, 只有”他”令一個默默了廿年的人, 無條件在這兩年, 獻出無數的第一次.

未來, 是未知之數;  縱然未知能撐得多久, 仍被他人不值一哂, 只要此刻仍覺值得, 便全力撐到底!

"人生實會有好多開心同唔開心既事, 但我地盡量要令開心既時間, 多過唔開心既時間!" by 管家仔

20090716, 20090719 Leon Dream Wedding

今次去咗睇2場, 係頭尾. 

頭場呢, 總有D唔完美, 但都有少少驚喜, 尤其係唱番"我不應該再讓你孤單".  又見到大少既契爺, 佢真係超nice, 好惜係太多人同佢影相, 無埋身機會.

尾場, 氣氛超好, 加上又見到千嬅(哈...真係睇千嬅concert都無咁近見佢, 反而呢2個月係咁見囉)

坦白講, 呢一個concert 係佢咁多個之中, 我自己最唔鐘意既一個, 可能時間唔夠俾佢ready(佢自己都有D唔滿意), 真係只係for 我地呢D diehart fans 囉.

So, 我又期待番2010 Summer~~

20090512 擋不住的峯情 / 20090516 峯從那裡來

14號及16號分別有2個阿峯既節目, 有D感覺要記下.

先講14號既"擋不住的峯情", 錄呢個節目應該係9號勁歌之後, 睇得出阿峯係無停過咁做嘢, 當日匆匆而來, 匆匆而去.  成個況問, 睇得出佢真係好注重家庭, 同事亦好專注佢自己既工作, 佢真係好感激有俾過機會佢既人, 希望其他人唔好再質疑阿峯既實力同埋一D無謂既抄作.

到" 峯從那裡來 " 真係好正, 係時間太短, 如果時間可以再長D就好勒.  成個節目, 睇得出阿峯身處鄉下, 成個人都好relax;  亦都好替佢開心, 身邊真係有班好好, 對佢好真既朋友. 一班自細識既街坊, 書友, 同事, 即使林生如何懂得做戲, 但...呢班人並唔係, 個樣亦真係無得呃人.  同學, 同事對佢既comment , 好真, 尤其係趙永洪, 呢D咪係朋友囉~~ 會大庭廣眾都對你講真心話, 而亦都睇得出阿峯係睇佢朋友俾佢既片睇得好開懷(當阿貓有偏見都係咁話, 係得一個阿峯先正經番!)

最開心係見到mimi 同 cooper, 好耐之前只係睇相見過cooper , 就已經俾佢隻色吸引住, 今次有機會係電視睇到, 哈哈, 果然好靚~ (以阿貓係唔鐘意雪橇犬嚟講, 真係算係咁...一向都覺呢D狗好凶)

仲有, 搞笑既阿峯, 除咗不斷show 佢既鄉下話, 係母校純真既一面; 身邊能有D認識27年既朋友, 真係好唔容易!  當然, 全晚笑爆既"燒賣怪"啦!  相信大家都俾阿峯最尾以一曲"愛是永恆"而攝住, 聲好响好亮, 如果唔係無啦啦既一句, "下句係咩" 會更perfect 了!

有一件事, 相信只係得詩韻明白我.  當晚, 係同一班朋友一齊看, 當聽到某人提及曾留意阿峯fans, 全部尤如失控一樣狂呼!   當然, 唯獨自己一個好似置身事外一樣.  當然, 自己係因為偏愛另一個人而無動於衷, 但大家focus係唔同既地方, 自己成日都覺得, 唔講出口, 唔待表唔care.  下下提住, 有時會唔會過於表面化呢??   聽番擋不住的阿峯偶像講果part, 雖然有少少行, 但作為類似一個偶像鼓勵一個小fans, 都好合情合理, 因為大家無乜機會交流接觸過嘛, 但都有提過阿峯的名字.   反而另一位, 全呈以"佢"嚟形容, 想點??

峯 情無限林峯演唱會

峯 情無限林峯演唱會

好緊張, 林生第一次concert~~~~

417-419 台灣之旅 DAY ONE

一年一度公司大旅行又出發啦~ 雖然撞正D乜嘯物嘯, 但爺爺一向都好有員工心(呢樣真係唔係個個老闆有架!)  所以經過一輪熱烈投票(哎...有少少造馬咁啦, 係用刀仔, 語氣叫大家一齊揀D好玩同好食既地方咁啫!)   每次例牌好mean先confirm D嘢, 仲要開頭係book天成, 但full晒, 好在都揾到Ceaser, OK呀~ 今次仲要特別鳴謝同事亨既媽咪, 幫大家搞咗個$35既保費, 唔該晒.   當然唔少得老美, 全公司台証佢包晒, 尤如導遊一樣, 係無tips 啫~

出勒, 出發日!!  貓只係瞓咗2粒鐘都無, 因為之前搞埋少少會務, 再加上又唔眼瞓, 所以當收數Wai morning call 我時, 都問我係咪無瞓過, 因為把聲好精神!    因為收數Wai 既親友的車我地到機場, 所以六點半未夠就到.  大家唯有痴痴地等.  跟住呢....太無聊, 可以跳過.

到咗飛機上, 唉...真係激死貓呀!  因為得個零鐘機程, 原本諗住瞓下(因為吃飽早餐), 點知順手睇到節目表, 個playlist song 竟然有林生既"浮生若水", 咪拿拿林轉台去聽, 點知.....太遲, 剛岩播完, 所以, 我只係聽到"浪漫世紀"囉!!! 無奈!  好在之後睇到飛輪海, 我地幾個先無咁悶!

到咗目的地, 因為買package 包咗一程"飛狗" 大家瞓醒就到酒店(中途要轉一程車).

間酒店大堂就幾靚, 但房就OK啦, 最唔好係我地去到無房, 要呆呆地等! 仲要搞咗一大輪之餘, 將我地一行十幾人分開晒!

望正台北火車站

房, 都OK啦, 呢間係我地既三人房~

酒店大堂留倩影 (呵呵...自己估我個貓樣啦~~我唔會答架!)

之後, 大家就散開行動, 一班就去醫肚, 我, 老美五個呢, 就去光華掃DVD.  自己今次又入咗5套日劇, 400蚁3套喎, 超值, 又清!   我地都行咗成粒鐘架, 因為想揾間温暖的鋪, 最後都揾到.  因為我同老美一早預咗要入咩劇, 但有套揾咗N咁多間都無, 咪胆粗粗問人, 原來係有版權, 所以唔可以明目張胆, 但...當然有計隻, 咪好似信和買4仔咁, 偷偷地賣俾我地(買4仔我無經驗, 但佢地係用黑色袋另外入開俾我地!) 

掃完貨, 我地又搭返地鉄返酒店附近食嘢, 但因為夜晚要食打邊爐, 所以只係食咗少少, 同喪飲珍珠奶茶.  當然, 台北車站既地下街, 真係多嘢行度你唔信, 掃美麗日記 又係唔少得~

係酒店等齊所有哇鬼, 就出發到西門町一間火煱店, 叫"馬辣”, 因為未到book枱鐘數, 所以大家係附近行下;  唉...一見到skin food, 就命中注定我破財, 因為受人所扥, 就入咗去掃貨, 當然自己係無可避免....地都買埋;  就係咁, 竟然用咗三分之一既銀兩, 嗚嗚~~

呢間出名麻辣, 但我就唔多受得, 所以係一半一半, 但, 意外地OK喎, 唔係咁麻啫!

睇大家食相就知好好好OK~ 個個哇鬼係度扮"日日有食神" , 大叫, 轁轁, 好好味呀! XD

阿貓秘製"混醬", 真係好好味呀~~

呢間真係好好食, 每位四百幾, 汽水任飲, 無限牛肉refill, 連加湯都真係加湯, 唔係加水架.   另一個selling point , 就係有貴價雪糕任食.  仲唔止, 連花茶都有, 仲係用史諾比茶壺, 哈哈~~ D甜品非常好賣相.   總之一個字, 抵!!!

廣播劇情懷

如果唔係最近聽林生既廣播劇, 都無為意自己真係好耐無聽. 今年算好彩, 係X'mas連接新年, 都叫有聽到黎生既last order Cafe. 其實掘指一算, 自己真係好耐無聽廣播劇, 究竟係依家唔興, 定自己out 咗呢?? 對上一次聽, 新城既"黑客0001", 903就應該係"七劍" 自己唔算話太鐘意聽, 一來以前既廣播劇都係長篇, 一定會出書, 而自己係比較鐘意睇書既. 二來, 播既時間實在係好難聽到. 而且, 甘留意去聽, 好明顯都係因為偶像既關係. 頭先無聊地計咗計, 原來大多數係聽903既多. 新城有印象係"黑客2001"(一定啦), 另一個係"迷河", 而"今夕是何夜"只係得番少少印象. 因為前2個我係有買埋書既, 故仔吸引係其一, 加上自己鐘意睇書嘛, 有時都覺廣播劇會唔夠喉. 港台, 其實真係好少聽, 一來果時返學, 佢D時間就唔到, 都有一2個, 只係記得好多都係改篇李敏, 所以自己可以買番書睇. 903就最多, 亦係佢帶番起一班後生"追劇", 仲要係每逢完劇,都要搞個意樂會, 好有噱頭! 呢D係自己記得聽過~ 黑客0001 - 黎明, 李嘉欣 從今開始 - 黎明 有沒有見過雪- 黎明, 李若彤 只要為你活一天 - 黎明, 楊采尼 世紀末的彩雲 - 黎明, 楊采尼 (無記錯的話,好似係呢個名, 係講邪教) 我沒有愛錯 - 黎明, 903DJ 迷河 - 楊千嬅, 陳小春 風雲 - 鄭伊健, 郭富城 戀愛1/2 - 彭羚, 郭富城 戀愛後1/2 - 彭羚, 郭富城 中華英雄 - 鄭伊健 初戀無限次 - 楊采尼, 梁朝偉 讓我愛你一個夏天 - 鄭伊健, 周慧敏 愛情無處不在 - 鄭伊健 百份百感覺 - 鄭伊健, 鄭秀文 一往情深 - 鄭伊健, 梁詠琪 荔園小夜曲 - 張智霖 向愛情出發 - 鄭秀文, 杜德偉

新城廣播劇團-情情塔塔 林峯 (20090323~20090403)共10集 2009年4月6日下午9:47公開累積瀏覽 271 好難得, 林生第一次錄既廣播劇, 聽完第一集, 令我有所期待. 坦白講, 可能之前因為"風雲決", "喜羊羊"的關係, 令我有少許保留. 無疑, 今次因為無框框既牽伴, 好放, 好有驚喜. 聽完第一集, 已令自己愛不釋手. 一開始, 阿火好有時下年青人既"味道", 唔願做, 想揾快錢, 電車男, 林生係完全聲演到呢個角色. 還有點點既古惑, 講嘢隨口嗡, 不負責任; 持住自己既小聰明, 去呃呃騙騙, 成然覺得係等閒事, 還會因為成功欺騙女主角而沾沾自喜. 因為劇目短既關係, 劇情好快發展到阿火被女主角既情況吸引, 由憐生愛; 連帶角色上既演譯都由開頭既古惑青年, 漸漸變成"管家仔"一名, 為女主角出頭, 發憤上進. 到最尾, 被女主角發現一開始既大話而置至不理, 一封"Alfred"式既表白信, 成功奪回芳心. 整個演譯, 林生掌握得很好. 有某D位會令人聯想到林生演過既角色, 但就聲演出另一番韻味. 亦睇過作者Ame既Blog, 盛讚林生既"出色", 絕不言虛. 唯一可惜, 就是集數太短, 尤記以前的劇目每集起碼有十五分鐘至三十分鐘, 全劇能出到一本小說; 現在, download 下來, 每集有的只有數分鐘, 的確有點那過. 還有, 演Jason那位DJ, 需要咁作狀嗎? 尤其每一次講個"你"字, 鼻音之重, 真係令人側目!