迷上邪留丸內的神社

最近迷上邪留丸內的神社.
之前有提過, 阿貓幾乎變成一隻怒犬.
每日係間爛鬼"輾親神社"度死揾錢返去.
可惜...partner笑犬無 邪留丸 內的咁善良, 明知, 假笑臉係受歡迎的, 但做唔到就做唔到!
當然, 最得人驚係有"貧窮神", 有佢係度, 真係揾幾多都無用, 仲要搞到自己變得庸懶無力, 毫毛生氣.(要話我姓賴都係咁話)
細個睇, 只記得兩隻犬, 對於 貧窮神 沒有太大印象. 那天跟同事講了出來, 估不到大家都覺得自身處境相似, 哈哈.

	外號:	貧窮神
	年齡:	不詳
	性格:	孤僻,庸懶,沉靜,灰暗
	癖好:	喜歡破爛殘舊的東西,陰沉破舊的地方,沉悶無力的氣氛
滿願神社的神,所有接觸到祂的生物都會變得庸懶無力...所有接觸到祂的東西都會變得破爛殘舊,毫無生氣(例--滿願神社)...是細細粒俱樂部會員no.7

上一間公司, 自己係用籃精靈做代表的.(很喜歡cosplay囉) 因為所有嘢集於一個做, 要找很多很多 籃精靈 幫忙;
現在, 表面上沒有以前忙, 但.....心靈疲勞得很. 講出嚟, 可能無咩人會信, 因為連我地幾個本身係度做既, 都覺家下呢間公司,
有幾唔正常!!!!  個個返工, 第一句係講好眼瞓.

而另一奇事係, 有2種情況:
1)得番老屎忽, 唔計最高領導,應得番2,3 個;
2)返幾日就消失, 連樣同名都唔知!  tuneover, 真係令阿貓目定口呆, 別家個百人既大公司都無換人換得咁差.

就係咁, 我地就係異數, 個個做唔夠一年, 但又過晒probation, 面對既係舊既人全部都係候任特首:" 「不記得」、「不知道」、「不明白」做回應 ;
新既一無所知!!

 但最奇怪係, 個個都知間公司有幾差; 但又個個表面好無嘢!!!!
只會係MSN, 講得如何憤慨, 面對老板, 咪又係一隻應聲蟲!
自問, 真係有不足地方;  明明未做過呢類公司, 又未做過呢個post, 一切而common sense嚟做; 而偏偏, 所有normal 既事, 係呢度都可以變成crazy things; 唔識又唔敢問, 始終, 自己介意係有人介紹, 怕有人講閒話;人地又唔知我無呢方面經驗, 唯有慢慢摸, 但當然唔係有人會肯等你, 所以超大壓力; 真係比起以前要OT到9點仲要攰同唔開心.

以為自己捱過變態既工, 會接受呢份工; 原來, 係唔得的;
難怪, 舊公司有同事想走, 家下都叫佢定D嚟, 反正, 己習慣舊有既不好, 無謂去接受新既不好!(很歪理吧!)