Pattaya Day Three

酒店內沙灘

四月二十二日 Day Three

終於到最後一日, 好唔拾得返香港.......返工!(不要打貓啊

)

今日係無排任何行程, 總之各自各"hae",  用自己最enjoy 方法.  我同我同房的同事盡情咁瞓,  總之係有早餐食之前我地先出現, 阿貓我仲係著睡衣落去tim,   因為我地好幾個同事都覺得酒店既的鮮奶同烘多士好好味

 .      當我地去食早餐地方時, 已經有幾個同事游水同晒太陽, 真係健康!

好saw fu~

hotel swimming pool

我食完個bestfast, 又上返房pick 下D 行李, 仲瞓左個回籠覺~~~阿貓係迷糊之間突然聽到"Ding ding ding ding "(有四聲ga), 先醒起夠鐘退房, 即刻攞野碌落樓下~~>_<

大家check out 左之後, 就出去食lucnh; 我地去左酒店附近一間頗有情調的餐廰.  我同事話係泰國通胡渭沖介紹, 話D 芒果糯米飯好得,  唔...個view 真係唔錯, 我地一路指手劃腳叫野(其實我地呢三日都係咁叫野食!), 當我地話叫芒果糯米飯時, 個waiter 竟然話冇糯米.......我地一行9個人真係三條黑線sir 落黎.    我地真係好失望, 好在個椰青好清好甜, 作為少少補償la !

無芒果糯米飯的餐廳

智障兒,破壞了一個清甜椰青 (佢就係污辱咗條海參的賤man!)

填飽個肚, 我地又返酒店等我地架包車黎車我地去機場, 雖然我地搭6點幾機, 但我地準時2點出發.  我地趁仲有D時間, 就係咁影相, 原本有幾張相真係"勁搞笑" ,  好想把上黎, 但係我唔識同D 相打格仔, 如果我post 上黎, 我D 同事會係佢地無命之前 kill 埋我, 所以,  sorry la!!

我要做Model

粥粉麵飯

雖然我地預鬆左時間, 但當我地由check in , 到入閘過關, 個boarding 時間竟然連半粒鐘都無.  個新機場其實唔細, 但係俾我的感覺係好窄, 個design好唔user friendly, 因為我地同其他同事失散左, 得我同另一個同事齊, 我地怕D plant food 唔好食, 所以都諗住打定底.   當我上到機, 有幾個同事已經係度,  但係仲有三個唔見人.  當我地個個諗緊佢地去咗邊的時候,  佢地就出現, 仲要有神蹟個種.   佢地三個竟然買到芒果糯米飯,  呵呵呵~~~~總算不枉此行(真係想咀你地一啖>3<)

短短三日的旅程要完結, 返到香港又要做野, 如果唔係, 出年邊有得去呀?!   =.=  在此送我團體相一張! 呢個係指定動, 因為舊年旅行張大合照實在太讚, 好有超星辰feel , 所以今年再接再勵, 哈哈.......

超星辰2

Pattaya Day Two

星月島

四月二十一日     Day Two

自由行的好處就係你可以瞓晏D

.  第二日阿貓我瞓到八點幾(香港時間九點幾!!), 然後斯斯然落去食早餐.  因為我地join 左一個local tour, 準時九點就有車到酒店車我地到市中心海灘, 然後再搭船出外島的海灘!!

成程船有少少"泡", 不過都只係20分鐘的船程.  終於到我地的目的地-----------星月島.  (

個名我好鬼死鐘意, 又星又月, 全部都係貓我的最愛!!)  嘩!  唔知係阿貓我少出戶外, 還是外國D野真係好D.    個沙灘真係水清沙幼, 剛巧我地去既地方係後灘, 人唔係好多, 多數係外國人, 日本人, 韓國人.    我成班同事個個都藝高人胆大, 全部出晒沙灘玩D 高危活動,  即係香蕉船, 果D 咁既野.   我話晒都係一隻白雪雪的富貴貓, 留係太陽傘下先係上策!

  雖然我唔敢出去, 但都做足準備, 我諗我全身加埋都應該查左百幾二百度的防晒.   我係無出去沙灘, 但瞓係張沙灘椅度, 陣陣海風, 一邊聽住歌, 一邊嘆世界, 個種無憂無慮, 真係同平時係公司果種折墜........真係無得彈!!

真係估我同事唔到去畫你米老奇, 得佢阿頭一估就中~~

沙灘上面得間士多仔, 同埋有幾個人會你做按摩, 紋身, 同埋買D工藝品.  都差唔多一點鐘, 個local tour 會包一餐, 唔好諗住會好豐富同好好味, 只不過係將D 白飯炒下, 連鼓油都無滴, 跟住有兩碟炒雜菜, 最令我地目定口呆的係個碟煎魚, 我地成枱人(再加埋2個同我地同tour 的鬼婆), 最起埋我地9個人一致覺得個D魚好么似人地D 鍢射魚咁,  我其中有個同事果日個look 同Tom Hanksk 有得揮, 真係以為自己流落荒島咁~~~~

F4(神經病版)

食飽飯之後, 我阿貓終於按奈不住.....見到個咁鬼靚既沙灘, 終於我泱定處貓下海, 我有記憶之中, 除左我豆丁時有落過海灘, 真係無試過, 我連泳池都避得就避!    之但係D水真係好鬼死涼, 我都叫係海度浮左成粒鐘  ^.^  但係我都有代價架, 2條臂同2條腿黑左(原本係塊面, 我一返到酒店就用mask 補救!)  同埋我俾海胆刺我!  係, 無錯, 並唔係我踩海胆, 係D 海胆刺我, 唔好同我咬!!   個海係好清好涼, 但係就有好多小石同海胆, 我有個野人同事仲污辱左一條海參

嘩~呢2張相獅子貓諗咗好耐先肯放上黎!

玩左同晒左成日, 都差唔多要回程, 我地三點幾就出發返酒店.  我地個個成條咸魚咁, 仲有, 全部男同事因為都有暴晒, 回程時 已經有D thai 仔 feel, 唔係成個人黑就係紅到燒豬咁

      個個都沖返個靚涼& 'hae' 左一陣, 準時6點我地又要出發join 我地的米飯班主------我老細同大客.  因為夜晚做指定動作, 政治飯!!  我諗全情最唔feel 都呢一刻.  不過, 我地全部人第一次個個都係一條心, 想怏D 食完餐飯, 然後各有各行.  大家無驚無險食完, 影完大合照, 我地就各自修行.  男既去按摩, 我地, of couse 去shopping la !(係, 都係shopping, 唔得呀!)

不過,我地都有少少插曲, 話說我地好鬼想食街邊粉(幾年前我食過, 非常好味~), 當我地shopping 完之後, 再 join 埋其他同事去碌link, 係個link 場對面有大排檔, 我地咪坐地叫野食.  跟住我有一個同事問我, 隔離 table 個男子係咪余文樂, 咁我抬頭一望, 嘩, 真係喎.  佢仲同佢d 屋企人(我估咋, 不過同佢一齊個4 個人真係好似樣, 同余文樂個差好遠, 有時明星相真係唔同d!!

我地返到酒店, 又非常忙, 因為要pick 野.  我原本諗住無咩買, 諗住手信都唔會買好多, 所以無帶喼.  但, 事當然唔會你諗得咁好.  我其實都係買左D 冬陰功杯面(俾人掃晒,我地每人都得2排), 牛奶糖,  同埋我買左我既二奶..........跳跳虎

好在明天可以瞓晏D , 如果唔係, 我諗副骨頭都散埋!!

第二日行程在非常充實下完成!