有緣相聚

阿貓幾鐘意先賭為快的， 因為唔趁快， 之後身邊朋友一係話睇咗， 一係話無興趣。
有時緣份真係好奇妙， 無意間見到有全加扣殺優先場， 朋友又話有興趣， 所以見个有少少位， 都照買咗！（第二行呀。。。）
点知。。。自己買咗25號（全港首場）後， 朋友先話唔得閒， 反而是26號才可以。。。。。（阿貓偏偏26唔得）；
好好彩， 有其他朋友有興趣，所以安照行程啦~

到睇完場， 散散下場， 竟然見到另外兩位朋友， 真係約都無咁啱~哈
就係咁， 造就了一餐晚飯加事後吹水大會， 非常愉快的一個下午加晚上。

正如阿貓偶像話 '有緣既，實會見到'， 哈~

時代

時代真係唔同！！！！自己都見过有九十后咁做！八十后就好D，仲識用email打兩行字叫做resign！

有D嘢可簡化，貓絕對認同；
但規句，應守則守，你當初agree这工條款，家下一句「唔知、唔理」大x晒咩？

時代唔同，会進步，但仍然有部分永恆不变，你，唔会因為科技方便咗，唔係用「咀」食嘢而用patpat嘛！！！！

20150413 又敏感發作

唔好意思, 張相可能令大家情緒不安, 請家長陪同收看!

人敷腳, 阿貓敷腳, 又會搞到咁大鑊!!! 

敷緊又無敏感, 又無發出嚟,  敷完隔兩日開始出點點( 阿貓都不以為意, 覺得係因為濕重同自己敏感底, 係正常.)

點知...情況一值無好轉, 范圍仲越嚟越大, 到咗星期日晚, 已變成咁.....

仲因為大痕, 成晚瞓唔到!!

到起身返工.....先知原來成隻腳, 又紅, 又腫, 又痕, 仲好痛(關節位) , 

嚇到阿貓工都唔敢返( 隻腳實在太樣衰), 即去睇医生.

但係呢....阿医生一知阿貓去睇過鉄打, 咀臉即時突變.....全程只"遠望" 隻貓腳, 完全無"望聞問切"(可嬲也)!!!!!   阿貓好耐前睇過佢, 講迥筋膜有事, 但医生唔多想理, 只係一句話, 手尾好長, 遲d先医;  頂....咁難得有長假, 轉下中医囉, 佢又唔高興.....d葯仲比平時貴( 平時已唔平T_T) 

呢個月...淨睇医生, 已將阿貓變"貧窮貓" .....嗚嗚嗚....喵~

港視等於神劇？？

很奇怪，身邊跟阿貓， 都冇人追港視劇，所以唔明唔知有幾好睇！ 一）真係只看TVB 二）唔睇电視 三）只煲美日韓劇（即本貓）其實自己無睇，就冇得評好唔好； 但見D人一窩蜂見港視拜見無記踩，何必呢？ 衰D一句，新屎坑一定香， 題材嘛……在貓看來仍是舊題材。 有時間都想“見識”很火的 #導火新聞線 如何好如何不參考其他作品？ 但在我來講九八年的日劇 #新聞女郎 和一二年美劇 #thenewsroom 也是我心目中的神劇， 呀～还有一四年韓劇 #匹諾曹 也是講新聞題材。

理解無記劇不一定好， 話哂拍了三四十年， keep水準已不易。適當投訴可以，但过份踩真無謂。
作為一間新公司（港視），有新野睇是必須吧！唔質疑，但真係唔可能有每套神劇產生，过份地吹噓！
一句到尾，好睇便睇，唔鐘意就熄电視，免費――有時要將就下的，阿貓好多時煲劇都要因apps遲放上去而忟，但回心一想，free得黎仲有人翻譯埋，仲想点？！

20150409《看到味道的少女》朴有天背申世景場面助收視創新高 - KPOP 韓星網 (韓劇)

《看到味道的少女》朴有天背申世景場面助收視創新高 - KPOP 韓星網 (韓劇)

Day 4 跌打

唔知要睇到幾時？！@_@
好貴呀！
好D又好唔晒

20150405 回憶中的瑪妮 (思い出のマーニー)

少女杏奈一直介懷自己孤兒的身世，天性內斂沉默，在學校中幾乎沒有朋友。由於杏奈的哮喘發作，養母賴子送了她到北海道的親友家中暫住靜養。來到新環境裡的杏奈到岸邊寫生時，竟發現對岸有一座夢中見過的別墅大屋，更遇上了名叫瑪妮的神秘金髮女孩…兩人一見如故，而且與瑪妮的夢幻、驚險體驗令杏奈得到改變；與此同時，杏奈亦漸漸揭開了令人捉摸不透的瑪妮之身份秘密﹗

名稱:

回憶中的瑪妮 (日語版) (When Marnie Was There)

片種:

動畫,劇情

編劇:

--

導演:

米林宏昌

主演:

--

片長:

1小時43分

級別:

I 級

語言:

日語 (中文字幕)

上映:

2015年4月2日, Thu (公映)

等到吉卜力回歸~~
米林宏昌真係唔錯, 故事選得好, (個人覺比借東西還好). 未來應主力係佢同高畑撐住吉卜力了.

阿貓, 當然看日本版了, 很驚喜, 女主角養母配音是松嶋菜菜子.

其實呢...未到故事一半, 阿媽已做到瑪妮是何方神聖, 只是, 沒想過杏奈竟然係全劇最尾先知.....(UM....該怪阿貓神算定杏奈太........)
序
整個故事, 順暢的, 現實與奇幻之間也處理得不錯, 不會令人太亂.
畫工, 仍然一個字------"好靚"

感覺上, 米林處理奇幻故事不錯. 今次覺比借東西更好; 但其他地方可以有所進步.  未知時否受片長所限, 揭開瑪妮真相, 應可再細緻點; 加上, 杏奈的問題也刻劃不夠深..


自細已很愛宮崎駿, 佢係自己心目中係神, 能夠將, "奇幻", "童真", "道理" , 完全融入動畫中, (佢阿仔...真心有少許失望, 還好還有其他人頂住吉卜力), 希望吉卜力以後仍有好作品.


P.S. 本來想入戲院睇, 但阿貓的戲友外遊中, 竟然通知阿貓等唔切返黎, 係千尋睇咗X_X; 阿貓唯有....照跟......(加上隻貓腳未好....懶得出去呀~)

Day 3 跌打

每日酷刑咁(>﹏<)“卒”到好痛（流晒淚）
又要敷幾粒鈡，冇得郁⊙_⊙
阿貓的假期就咁虚度咗！（咳……唯一節目，煲劇、煲戲）

20150404 春子超常現象研究所(第三十九屆香港國際電影節)

《春子超常現象研究所》故事講述一部電視突然有了身心（中村），和其主人春子（野崎萌香）開始奇妙的同居生活，過著甜蜜的日子，之後某天他遇上電視台製作人，提拔他成為語言學習節目的主持人，成為電視界的紅人。共演有青木さやか、池田鉄洋、齋藤工、高橋由美子、小日向文世，將於鹿特丹電影節及國際奇幻電影節公映。



感謝黃牛小姐既飛, CULT片啱阿貓呀~ 
有D片, 真係日本人先諗到.  雖然...睇完成套片, 都唔係好清楚導現想表達既主題, 只可以話, 故事內容係部份日本社會寫實(UM...其實對住電視自言自語, 係阿貓强項, 並且進化到對住手機同tablet講嘢啦!)
阿貓只識小日向文世, 同埋只覺得女角有些似江諾琳.
作為奇幻電影, 本片都尚可接受的.


P.S. 想講少少題外話, 因為電影關係, 完全係請到本片導演到場的.  哈哈....見到導演上台, 就真係明點解她會拍到呢D片~ BTW, 阿貓强烈懷疑當日主持同翻譯係阿貓之前睇另一套日本戲有導想會的那兩個......只有兩個字-----"唔掂"! 

Day 2 跌打

腫咗(>﹏<)
尋晚拆药已覺得腫，
今日再比師傅睇， 佢都話点解腫咗，
因為佢睇住我入黎，仲問点解行到“gag gag ”下-_-#（痛咪就住行囉）
完全係十大酷刑…… 揾支尖銳嘢狂“銳”阿貓腳底仲問痛唔痛？⊙_⊙
阿貓今次破財兼受刑呀(>﹏<)

跌打(>﹏<)

復活假人地出埠，
而阿貓又再獻出「第一次」！⊙_⊙
阿貓隻豬腳板底痛咗兩星期(>﹏<)
啱啱被貓頭鷹媽“挾持”咗去睇跌打！（信唔过西医，除咗食止痛药，咪叫減肥！）@_@
阿伯老當益壯，“卒”到阿貓狂嗌兼流晒眼淚！！！（堅十萬個痛）
加上阿貓有酒精敏感，又唔用得酒“卒”，敷藥又要搽防敏，仲要食一堆「老泥丸」先走得⊙_⊙
希望有效……趁長假搞掂隻腳！

20150331 紐約情弦 (Song One)

人類學家芬妮（安妮夏菲維 飾）因弟弟遇上車禍而從非洲回到布魯克林。為了重新認識這位分別已久、昏迷了的弟弟，芬妮到了他最喜愛的歌手──詹士（尊尼芬寧 飾）的巡迴演唱會。想不到這位在台上才情橫溢的創作歌手，在台下亦是個十分溫柔的人，甚至與芬妮一起隨著這位小樂迷的手記，重訪他曾走過的音樂足跡，期望可以找到喚醒他的聲音。二人在城市的幾個夜晚，把臂走遍每個街角；詹士手上的結他和歌聲，治癒了芬妮受創的心靈；而芬妮的出現，亦重燃起詹士枯竭的靈感。可是詹士離開的日子漸漸逼近…一場由音樂而開始的愛戀，又會留下一首怎樣的情歌？

名稱:

紐約情弦 (Song One)

片種:

愛情

編劇:

--

導演:

姬白加科蘭

主演:

安妮夏菲維, 尊尼芬寧, 及瑪莉薛汀寶

片長:

1小時28分

級別:

IIA 級

語言:

英語 (中文字幕)

上映:

2015年3月26日, Thu (公映)

阿貓係因為Anne Hathaway而想睇呢套, 加上, 之前Begin, Again 真係好好睇, 但...睇完呢套, 有少少失望. 

個人來說, 真的比較喜歡Begin Again 的歌, 加上男, 女主角故事比較有共鳴感.  (沒有男女之情，但互有火花）

但呢套, 略悶, 女角細佬的車禍及神奇蘇醒, 似TBB 劇.

男女由不相識到互有感覺，我感受不到有幾强烈。

BTW, Anna唱歌真係幾好聽（孤星淚），阿貓buy佢多過男角。