海南島之旅 Day Three

Day three 呢, 朋友起咗過好靚既名, 就係"享受人生"之旅.  因為呢日係自由活動, 所以呢.......我地真係好自由咁係hotel "hae"!

呢間就係我地會住2晚既 Sheraton Hotel, 雖然比之前一晚間細小小, 但係風景都好靚.  仲有個私人沙難.  有個朋友就去咗游泳池暢泳, 我就同另一個朋友就係咁坐咗係沙難椅度個幾2個鐘, 仲睇住iPod 既林海峰, 笑到我地呀.....

之後我地仲"番兜"又再瞓過~.~  真係唔知點解, 果2日係行日, 即係話normal 應該係返緊工, 做緊阿四; 但係我地真係無時無刻都可以瞓得著, 仲係深層果隻先堅!

 尤如成年無瞓過一樣, 都唔知係咪D 工作同讀書壓力多過頭...

嗱嗱嗱...唔知點解全部浴室都係要開個 'hole" .

  呢間算係咁, 叫做有D實物~

園林實景, 一D 都唔失禮.

係咪好有"酒店風雲" feel 呢?

我地係hotel "hae" 到2點幾先出去逛下& shopping. 因為day three 2餐都係要自費.呢個就係我地既lunch+tea 勒!   呢間嘢仲係我地問咗幾轉人先揾到啫!

Dinner 導遊帶我地去食海南島既"四大名菜" - 就是文昌雞、和樂蟹、東山羊和嘉積鴨勒.  好老實, 三日以嚟, 就係呢餐食得最開懷, 尤其個甜品, 係用南瓜裝住D 椰子露, 真係好鬼好味!

食完呢餐飽飽之後, 我地又返去酒店.  當然又係浸番個温泉先, 之後又pick 行李, 因為第二朝5點morning call .  就係咁, 歡樂既時光過得特別快, 又係時候要講拜拜~

  返香港又要繼續"受難"呀.....

海南島之旅 Day Two

第二日因為只係得一個景點, 所以我地可以係hotel "hae" 到十二點先check out!

阿貓8點就醒咗, 仲因為咁, 睇到一個平時係香港睇唔到即節目~

以下係本團第二個景點, 真係有點悶!  好似係話D觀音出名~

  不過D 風景就唔錯!

隨行朋友真係有買香燒, 阿貓就,.....有心拜下就算啦!

雖然係有D熱, 但係天氣好好, 都叫有D風, 但係就好重濕氣!

呢餐lunch , 話明係吃素!  導遊一早叫我地早餐食飽D~ 因為真係唔好食, 樣樣無味之餘, 仲要樣樣餸都稀都死!

吃完餐無味飯, 導遊仲要繼續帶我地去睇D觀音, 仲要加插一個"與高僧有緣"既環節! 身為精明既香港人, 一睇就知呢個係一個set up, 但真係服咗佢地既精心安排, 係有交戲架~

跟住加插咗個自費行程, 就係去對面一個叫"玉X 灘"! (sorry , 真係無咩記性, 去完都唔知叫乜名!)  因為唔去既話, 都唔知有乜好做, 見唔係好貴, 就算啦!     呢個係係碼頭等既時候, 朋友叫阿貓影既!  原因係, 成個攤位都係賣相機同菲菻, 但係唔知點解, 會無啦啦有 XX巾賣, 咁騎呢?

係船度影出去, 都幾風和日麗.

話咁快就到, 其實個灘好窄, 但係就入咗健力士, 我地停留咗好少時間, 因為除咗個海同沙就無咩睇~  而個沙灘又唔係話水清沙幼果隻, 水都唔差, 係D 沙全部都係貝殼, 仲粗過阿貓屋企D 磨沙囉~

完晒呢個觀光, 我地就俾人帶到去買手信既地方!  真係大度呀!  無辦法, 為咗返公司交差, 都要入去啦!

 (但係, 原來我地係裡面消磨咗好鬼耐時間!)

出到嚟, 外面有D小食同生果檔, 我地買咗2個火龍果返酒店食(又幾好食喎!) 同埋呢件"蛋蛋", 但都幾貴, 要成$3~~ 味道....OK啦！

夜晚, 我地去食一個叫椰子宴!  好sorry , 唔止阿貓一個食唔出有椰子咪囉~

終於返到酒店，　呢２晚都會住係 Sheraton ，雖然無 Sofitel 咁大, 但係好靚, 仲可以係房度

, 超爽!!  幾乎浸足成晚, 真係幾寫意~~

海南島之旅 Day One

雖然係話四日, 但係Day Four 係一大早機, 即係呃人啦!!  純綷係因為住既酒店, 先咁貴(真係大過阿貓既屋企!

), 不過, D酒店又真係OK 既! 同埋成個行情係以relax 為住, 全程得兩個景點~

落飛機既第一餐!  真係呢........

  第二餐都唔好提, 連相都費事影, 個個食完都要去雜貨店買cup noodle!!

呢團第一個景點, 就係火山口勒!  不過, 阿貓真係唔係好識欣賞! 仲要爬好多樓梯, 真係呢......即刻瘦晒

第一晚住既Sofitel酒店, 真係唔差! 標明係元首級, 真係好鬼靚!  我地夜晚仲係酒店隔離既温泉區自費温咗成晚,

 超舒服, 真係連皮膚都滑晒!

好邪! 浴室係無wall, 呢間得條"布"拉埋就算, 搞到大家勁無安全感, 因為真係乜都睇晒!

好好既享受!

個view 唔錯~ 係咪有D "酒店風雲" feel 呢?

都幾大, 但係空氣其實只係一般, 頂籠比其他地方好少少, 因為阿貓個鼻無咩好過!

其實有點怕, 因為果日6點半就起身, 仲feel 到自己喉嚨有D痛, 作傷風, 臨出門口都啪咗2粒藥, 仲要果晚臨返酒店時, 經過生果檔買咗D李返去吃(因為阿貓平時係唔吃架!)

夜晚因為去咗温泉, 都温咗成2個幾鐘.   身為電視精既貓, 成酒店不停咁睇電視, 發現D 大陸同台灣台都勁播韓劇, 雖然好多都睇過晒, 唯獨有套都叫幾新, 係"王的女人", 阿貓都係第一次睇!  仲有套台劇, 搞到我地三個毎日都追, 係叫"綠光森林", 真係...