20150328 要聽神明的話 (神さまの言うとおり)

名稱:

要聽神明的話 (As The Gods Will)

片種:

恐怖,驚悚

編劇:

八津弘幸

導演:

三池崇史

主演:

福士蒼汰, 山峪紘菜, 染谷將太, 優希美青, 大森南朋, Lily Franky, 神木隆之介

片長:

1小時50分

級別:

III 級

語言:

日語 (中英文字幕)

上映:

2015年3月26日, Thu (公映)

高中生高畑瞬(福士蒼汰 飾)厭倦了枯燥的平常生活。在看似平平無奇的上課天,老師授課期間突然爆頭而死,一個古怪的不倒翁卻出現在血染的課室中。自此以後,阿瞬和同學們被逼捲入一連串的死亡遊戲中..不倒翁 (Daruma)、招財貓 (Manekineko)、木芥子 (Kokeshi)、白熊 (Shirokuma)、俄羅斯公仔(Matryoshka doll)......如果他們不能突破眼前一個個的挑戰,就只有死路一條!這些都是遊戲嗎?目的是甚麼?「神之子」又是誰?在遊戲盡頭等待著阿瞬和倖存學生的又會是甚麼?

好早前睇到預告, 已經第一時間話要睇!(係, 阿貓係接受到重口味的^^)
雖然無睇過漫畫, 但,三池崇史 已夠睇頭了.

福士蒼汰, 染谷將太, 好像拍很多這類片呀,  (雖然, 將太今套只是客串, 戲份很少)前的[圖書館戰爭], 後者的[寄生獸].   估不到的是神本隆之介, 可能阿貓真的偏韓, 對他有印像的仍是停留在[探偵學園Q], 今次做個神經暴力少年, 好癲!

仍然是這一句, 奇幻加暴力, 真係日本人超强項~ 
能夠將日本傳統的吉祥物(應該是吧~), 變成超自然殺人工具, 真係無得彈! 

1)變得勁奸的不倒翁, 將人爆頭, 但D算變成血珠; 
2)個樣仍好cute的招財貓但會食人( 阿貓狂笑呀...雖然係得人驚, 但隻招財貓實在食人食得太得意了..........呵呵)
3)木芥子, 其實阿貓一向只係收朋友係日本買番嚟既手信見過, 其實唔係好知係咩? 睇完戲先知知地,
4)白熊 (其實係黑熊), 又係cute 到呢...不過玩輸咗會一掌拍扁人!
5)俄羅斯公仔, 唔係好明點解會歸入日本神明系列, 不過, 呢set 公仔係成套戲之中, 最少暴力的一個.

睇完後, 又係留伏線, 因為點解最後留低的人係"神之子" 係無說明的. 有位阿伯及宅男間場咁出, 點都關佢地事(但無說明)

同埋, 一開始有少少無理頭, 完全唔覺係開始,

但阿貓睇完, 係學識呢幾隻"神明"既日文囉 ( 阿貓...真心地覺同招財貓係親戚啊~   R痕~~)

P.S. 最驚係....係屋企...揾到其中四隻.......