2015 年終感言

又過完一年,
總覺今年比這幾年過得快幾倍!

工作上, 可能舊年年尾有同事離開, 2015年開始一直衝衝衝, 新人總要緩衝期嘛( 雖然諗住3個月而已, 但....唉....)

到四月, 又要plan 六月trip,
到五月, 突然殺出一個短trip, 阿貓人生第一次成件事由發生到成事, 前後得24小時.  so crazy but it is young style(嘿.....仲young......阿貓去完返嚟, 骨頭散埋!)

好啦, 到六月, 係阿貓plan 好行情, 只待執行李之際, 貓頭鷹媽係阿貓臨出發前兩至三日, 正式通知阿貓去完旅行返嚟既weekend 要打包搬走!!!!   放完假已要清工作上既嘢, 加上連續幾晚執到三, 四點, 真係貓到癲!  莫講D 貓物全係阿貓命根,點捨得丟( 但都知裝修完實無至少三份一放嘢,  唔明呢個乜嘢定律, 電視睇IKEA　同現實勁唔同, 十個搬屋/裝修, 都有此情況)

七月開始, 暫住地方無電視, 阿貓差D世界末日.....呢樣未算最痛苦, 無WIFI 先慘. 一向追韓劇貓...各式各樣偷WEIFi 之旅開始, 企係MTR 用free Wifi, 每個week 幫襯星巴克, karoke, 商場....等等, 今年, 阿貓可以寫一篇論文關於各方Wifi 快慢report -___-"!

好啦, 為了裝修, 阿貓身處幾個月爭論中, 發表意見band, 唔出聲又死!! 加上叫揾孰人做...死上加死!!!
豆腐潤咁細間屋, 搞咗四個月, 講到無人信!!!

好啦, 到十月尾, 正式回歸...又要執一大輪, 到家下仲有好多嘢未有位放(已忍痛丟好多嘢).

十一月, 執, 丟, 清潔無限loop!  外加某人終於"強勢回歸"同口痕放話的party , 忙到一個點!

當然, 年中睇劇戲, 睇劇不可缺少.
因緣際會, 結識到一班Drama 迷, keep 住支持呀!


就係咁....一年就過. 以為可以抖下....點知, 明年四月單嘢......又無限loop 過, 唉!


展望: 2016阿貓真係要好認真諗諗下買番台PC....mobile, tablet 方便係方便, 但打咁長既嘢, 堅要用keyboard! 公司因線路問題, block晒所有嘢, 以前可以係公司做的, 全都做不了. 長期係mobile, tablet 寫寫寫, 連打字都生蔬晒>_<

20151227 史諾比：花生漫畫大電影 (Snoopy: The Peanuts Movie)

片長 :

1小時28分

級別 :

I 級

語言 :

粵語

上映 :

19.12.2015 (優先場)
24.12.2015 (公映)

故事簡介

瘋魔全球超人氣【花生漫畫】，終於今年首次躍登大銀幕，經「二十世紀福斯影片」暨《冰河世紀》班底全力出擊，炮製成《史諾比：花生漫畫大電影》(SNOOPY: THE PEANUTS MOVIE)，絕對是引頸以待的聖誕盛事！著名漫畫家查爾斯舒爾茨筆下一眾老友記，包括：史諾比、查理布朗、露絲、萊納斯、莎莉、舒路達、薄荷碧蒂、胡士托等，齊齊飛越大夢想；史諾比更攜同首度現身的女伴菲菲，衝出幻想化身皇牌飛行員，遨遊天際追逐強敵！另一方面在學校裡，查理布朗對同班的紅髮女孩一見鍾情，史諾比作為他身邊永恆知己，當然義無反顧，陪伴他攜手闖出初戀情關。熱鬧溫暖的笑聲，結合無限想像力，加上3D特效活現眼前，成為耳目一新的開心電影新體驗！

等咗咁耐, 終於到阿貓心愛既史阿比有戲做啦~

雖然只係睇2D (喵....無人肯同阿貓睇3D), um...好過無啦~

阿貓絶對覺得史生可以拎影帝架, 反正, 阿貓一向要愛狗唔愛人的.

其實, 當史阿比一出, 阿貓只可以講 "好打耳x7"

20151224 탐정: 더 비기닝 (偵探:為了原點)

一套搞笑式查案片.
權相佑角式定位似金田一, 看似一個無能湊B男,卻頗有偵探頭.  醉心成為差人, 卻不能通過體檢,.  但平日仍愛查算各式各樣探偵事件.
遇上火爆老差骨成東日, 尤開始看他不順眼, 到被他的推理所折服, 合作一起查案.

阿貓因記得他們上RM 宣傳那一集, 所以即管一看心態.  還好, 有搞笑, 有命案, 有驚險, 劇情順暢不悶, 可以一看.

Fifty Grey of Snoopy

哈哈哈哈..

朋友們見到佢, 都問仲乜史生咁灰呀??

嘩, 無啦啦俾人送咗"一獄一世界"喎, 俾你都灰爆啦! (加上要泵石仔, hahahaha)

okokok,阿貓賜個好有名既名俾佢: "Fifty Grey of Snoopy", wakakakakakaka啦隊長

P.S. 好啦, 好估啦, 係USJ halloween special 系列, 其實呢, 最慘豬既係WS, 跟住阿比之嘛, 都俾人捉埋一齊坐監!!!!

Cheese Tat

Like 食 cheese 既, 真係要試下, 唔太"留" , 好好味

奐然一新的貓Home

搞咗好耐, 終於叫做住得下 (阿貓D朋友都問阿貓豆腐咁細間屋要搞咁耐), 無計, 暫租地方夠期, 而家除了有床同少許柜外, 乜都冇!!! 不過呢, 之前張床鋪瞓咗好耐, 而家要同新既要生下感情先(瞓到阿貓週身骨痛>_<), Defect...已唔想講, 大大少少都有, 家下D 手工, 同以前無得比!!! 仲有勁多要執, 仲未計係公倉果D嘢, (T_T 我要Harry 枝魔杖~)

又忍唔住

又忍唔住係朋友圈同人片…………
阿貓堅覺文化差異係永遠解決唔到！！
除非自身願意投入/歸入对方文化（佩服那些異国恋）

好想同田生講，唔係黄皮膚就要接收晒中国所有嘢，思想分歧，有時一世都唔会通！

係……係朋友圈嘈係為港鉄單嘢，當然仲有2條茂利係東鐵坦蕩蕩同人嘈，搞到長戚威既東鐵及攜大件嘢乘客俾强国人力撐，哼！

20150929 Singing in the rain

文青貓又出動。
今次係"Singing in the rain".
(終於唔使長途拔涉過大海睇了）

可能真係自細受英式English形响, 就算英文差極， 一班字正腔圓既演員， 都聽得好舒服。

故事唔係多講吧

Logitech K480

試新嘢！
終於買咗Logitech K480
唔錯既， 用嚟係電話打blog 都好好用， 係要再用下， 唔知點用方便轉中英文打字。
同埋， 個keyboard面好易有手油， 呢個要扣少少分。
但大至上都真係幾好， 同用開既一樣， 幾好打。
阿貓呢字keyboard打手， 真係唔慣無咗嘢打下打下， 手寫又成日讀唔到貓字。。。。

一個人搞東搞西~2

香茅豬扒撈濛，正

yeah~freeday~

又唔想吽係屋企！出動！

20150824 幸好, 香港還有一田CEO

一田CEO不止一次評政府, 高官, 往往一矢中的.

雖然無奸不成商, 但莊生每每說話都沒有高高在上的感覺.

阿貓有機會真的想買他出的書看看.

Credit: 明報網

一個人搞東搞西

阿貓好enjoy一個人係屋企。（冇王管(^ω^)）
今日整理my stamps & 手帳用品

Uni ball Signo RT

好好寫！
阿貓揀咗小四…………毛毛！＼(^o^)／

20150820 老麥優惠

貓頭鷹媽晏畫send黎話真係有特價，十蚊兩個漢堡包，仲話已食，叫我收工買黎吃…………
七夕夜……食自己（又唔係真係好惨，仲有少少enjoy）,仲要老麥………………-_-#

不過……勁縮水！！！老麥做唔住都不無道理！

【Bookbook趣】夜行觀覧車

睇過湊佳苗的書，總覺電影感很重（連細節也很有畫面）。
這本較失色。
看見整本書，还是跟主題連繫不上。
但人性還是描繪得很分明。

【Bookbook趣】辦公室@獅生活

哈哈哈――一見封面同標題，阿貓已即刻決定買！！
實在係講緊阿貓office既嘢！
點解每間office發生既日常都咁相似，阿貓成日有呢個question?

嗱……真係打政府工例外！！！真係有朋友打政府工，反而會好奇怪問我地呻咩？⊙_⊙

昨者的圖，簡單粗糙得來還剩點cute,（可能作者一向以文字為重點），勇於嘗試故然好， 但個人覺得如必須插圖，可夾其他高手出書吧。

獅子貓覓食記之新利記

呢間真係窮人飯堂！

24蚊包飲品/湯，

飯，反而麻麻，但炒嘢真心唔錯！

獅子貓覓食記之中興

餸得几樣，任你配各種粉麵（肉同丸），落豉油同配菜only,盛而26蚊！

阿貓like走洋蔥、芽菜，會自动加番少少麵，非常有heart!!

劲多人排隊，勝在鑊氣夠！

有時越簡單，反而難控火喉，堅推介！

p.s.只在夜晚开擋，放工時已开。

繼續Hobonichi週邊

呢兩樣係要慳錢之前買的。
連日本官網都都sold out,
反而，强大的祖國有！（一係大手掃晒日貨，一係copy）
不過呢兩件都似正品，冇計，hobo紙薄，真係需要墊板;
剪刀，的確係阿貓為儲而買！（(^_-)實有用的）

慳D

因為“預計唔到”同“預備將來”既洗費…………
星期一至五真係好慳（出街有約另計）！
唉～

冇wifi的日子

睇小人国5,其中一幕講手機現象，包括wifi、尿袋、FB、Selfy...中到啪啪聲！

阿貓要做短期冇wifi,data短缺時期，每個礼拜都週圍揾free wifi.....(>﹏<)

而家……企係mtr 十几分鈡，半集韓劇都未dl到……好……希……虚！

新坑~Hobonichi

終於落坑！

事緣舊年年尾揀schedule買咗本細，雖然唔係成日記，但寫既時候又唔夠位。當然，買既係韓風style, 但都有望過下日系手帳，但價錢偏貴又怕自己半途而費。

但呢幾個月係IG不停睇手帳，原來非純文字/畫畫，仲可以剪剪貼貼，整色整水！*^O^*

阿貓知而家買係唔湯唔水……但係又忍唔到年尾或下年春季，雖然係冇乜色剩，但價錢好似平咗(^_-yan平了)最後，揀咗橙色(>_<無阿貓最愛紫色)

好快手，13/7經日本Hobonichi訂,今日（17/7）已收到^_^

橙色cover + 透明套

阿貓份人"好安全"，怕整污嘈嘛~'、

因經官網訂，有web order offer, 手帳+筆+紙巾套（?）,真心唔知用黎做乜！

額外訂了card holder + index (唔明日文)

雖然紙巾套作為唔大，但襯番cover color, 又唔差！

同場加映淘寶貨！唔太記得幾錢，但唔係平架，作為文具控，阿貓愛買呢類東西。

整個郵購連郵費九千円，可以接受吧！反正預了貴價嘢，買服務也要。

拉勻一世論

http://s.nextmedia.com/apple/a.php?i=20150716&sec_id=4104&s=0&a=19221513

究竟幫政府，嗰D高薪低能既所謂高學歷人士可以去到幾盡？

「拉均一世」論都嗡得出！！！咁政府出咁多AD宣傳「不可一 不可再」拒吸毒廣告做乜？？頂你個制，程醫生，如你有70歲命，要你人生中食一次屎，拉均黎計，都唔算好×100唔衛生啫，你食嗎？

【Bookbook趣】ST警視廳科學特搜班

兩三个月前，無意中看了這書名稱的日劇SP版， 覺得蠻有趣。當然，主角是吸引的原因之一。

內容頗有趣，一班“科學精英”卻自己各有病態缺陷，雖有社交障礙卻能互取長處去查案。（辛苦了阿頭岡田將生，哈哈）

逛誠品見出了細本獨立故事書，先買一本看看吧。

20150710 小人国5 Little Hong Kong Season 5

未試過睇舞台劇咁辛苦………………唔好諗錯，係由頭笑到尾，笑到牙較都攰爆！
甚少睇第一場，所以捱眼瞓都要出post.

自己由「小人国3」開始睇， 對＜小人国＞主題曲已很熟悉，很有親切感。
諷刺時局，集體回憶； 誠如編、導、監黄智龍所說， 係呢一個瘋狂荒謬時代，真需要大笑一晚！

不作劇透，未睇過的，有飛請即買黎睇；睇過1-4的，包你上癮keep住每季睇！
每位演員都「正到爆」，即使Ivana也是（已看過她很多演的drama了），其他諸位實力更無容置疑。
今晚第一場，在此為各演員打氣！， 加油呀～

P.S. 感謝阿Dee簽名 （睇咗咁多次，終於有勇氣拎簽名了^^‘’）

20150708 小確幸之赤羽佛~Day 1

多謝同事贈印花，話咁快入第二盆~金錢草（阿貓的確發錢寒）

不過，再入手怕枱面無位置了(>﹏<)

垃圾會議員~「元秋」又癈嗡

http://news.mingpao.com/ins/%E3%80%90%E7%9F%AD%E7%89%87%E3%80%91%E6%92%90%E9%BB%A8%E5%8F%8B%E6%9D%8E%E6%85%A7%E7%90%BC%E5%95%8F%E8%A1%97%E9%81%93%E6%B8%85%E6%BD%94%E3%80%80%E8%94%A3%E9%BA%97%E8%8A%B8%EF%BC%9A20%E5%B9%B4%E5%89%8D%E8%A1%97%E9%81%93%E5%BE%88%E4%B9%BE%E6%B7%A8%EF%BC%8C%E7%A9%B6%E7%AB%9F%E5%87%BA%E5%92%97%E5%92%A9%E5%95%8F%E9%A1%8C%EF%BC%9F/web_tc/article/20150709/s00001/1436440673888

咪有人隨街吐痰、疴屎疴尿；
而政府高官要香港市民包容呀麻……垃圾議員們，真事忙到忘了！！！

20150709 小確幸之粉屁桃~Day 3

開始長芽了~
期待……然後期待……中

20150707 小確幸之粉屁桃~Day 1

又一次遲起步……
阿貓儲咗好耐先得九個印花……
最後……都係加廿蚊換-_-#

先換桃人……
其實，真心覺呢set嘢“核突”, 但又迷上種小盆栽（主角們係醜，但制作堅精美）

同事們比阿貓還雀躍…………但又話此公仔似阿貓⊙_⊙天呀…………究竟做錯乜？！

20150709 難得8号波

李生皇恩浩蕩，賜一個4:40分掛8号波（收工返到屋企都未掛得出！(>﹏<)）難得冇乜車係街，鋪頭閂晒…………覓食困難中！

算本土奇景嗎？少數地方、大多數人期待打風的城市-_-#

車仔麵

阿猫應可開篇搬屋美食篇，因附近有聞名“太X樓”，內藏多種食店，可以有排試！

呢次係話出名既車仔麵，
Um....有D失望……，阿貓買三餸，豆腐、豬紅、魚卷
麵（粗），有梘水味；
豆腐，唔夠入味；（阿貓返工果頭的夠晒入味）
魚卷，ok;
豬紅，都夠爽；

唔知其他餸如何，但麵底有梘水味，堅扣好多分。

隱世食店

阿貓自搬屋後，到新環境週圍覓食！（新屋太細、煮食亦不便）
上星期日行過屋企隔離，見後巷有好多人排隊，七一假期如是，但五點就收檔。
阿貓同貓頭鷹媽報抖，點知…………佢真係去試，仲差不多食完先記得影相貓…………

先講貓頭鷹媽食的---咖哩蛋包飯

comment唔錯，飯係酱油底，內有瘦肉，一盒唔細，連杯凍奶茶，盛為$33,算抵！ 但午餐只獨孤一味（好似話已做唔切，因one man bank）

星期六到阿貓親試---餐蛋麵

唔好睇少簡單野，外面好多鋪都夠胆整到唔好食！所有野剛剛好，麵底唔太硬又唔過林，good fit都要贊；蛋白、蛋黃唔過火喉；午餐肉，亦無hae切（外面好多刀法好到薄到呢-_-#），阿貓既心癮---奶茶, 唔澀得嚟又唔太多奶，仲有陣好特別茶香，阿貓係第一次飲到。(^ з^)同貓頭鷹媽每人一碗加阿貓既一杯奶茶，又係得$47, 真心唔貴。

今日輪到道牛爸食，都係一碗加凍飲$28，貓頭鹰媽諓蛋治，佢話下次再試招牌茄牛治。(^ з^)

不過，呢間鋪無menu, 阿猫坐底時，疑似老闆娘話「你講想食乜？嗡就得，冇會同你講」，好《深宵食堂》feel.

奶茶+餐蛋麵

招牌咖哩蛋包飯